فيفي عبده عن رقصها بالجلابية في بداية مشوارها : مكنتش قادرة أشتري بدلة رقص

تحدثت الراقصة فيفي عبده، عن راقصات الجيل الحالي، وذلك خلال لقائها عبر إذاعة 9090.

وقالت فيفي عبده: الجيل الحالي بعافية شوية، والرقص زمان كان ليه هيبته وقيمته، واللي كان بيتفرج كان له تقله مش زي دلوقتي، ودلوقتي الرقاصة بالزمبالك كأنها لعبة وبيقلدوا بعض.

وأوضحت: أنا كسرت الدنيا بالجلابية، ولما كنت فقيرة مكنتش بقدر أشتري بدلة أرقص بيها، ولما ربنا إداني جبت 5 مصميين أزياء واشتريت.

وأشارت فيفي، إلى غلطة عمري أني مصورتش المسرحيات اللي عملتها، أنا عملت 15 مسرحية واللي اتصور حوالي 3 بس، ودلوقتي براجع نفسي بعد ما بقى في ميديا هتجنن ليه مسجلتهمش، ودلوقتي لو رجعت أعمل مسرح هصور اللي مصورتهوش.